Pasurite fizike ne pronesi te shtetit, per te cilat nuk ka vendim te dhene nga Komisionet e Kthimit dhe Kompensimit te Pronave, do te shiten ndersa fondet do te perdoren per kompensimin e ish-pronareve. Komisioni parlamentar i Ekonomise dhe Financave diskutoi dje projektligjin “per disa shtesa ne ligjin “Per kthimin dhe kompensimin e prones”. Sipas eksperteve te Ministrise se Ekonomise, shtesa e propozuar ka per qellim te kryeje privatizimin e pasurive shteterore, per te cilat nuk ka vendim te dhene nga Komisionet e Kthimit dhe Kompensimit te Pronave, dhe te percaktohen te shiten me ane te procedures se ankandit. “Kjo shtese eshte bere pasi qe nga viti 2005 e deri tani, kane kaluar ne privatizim vetem pronat shteterore, per te cilat ka pasur vendime nga Komiteti i Kthimit dhe Kompensimit te Pronave, per t’iu kthyer ish-pronareve”, thane ekspertet gjate debatit ne Komision. Sipas tyre, kjo behet per te rritur eficensen e ketyre pronave, te cilat nga viti ne vit, po shkojne drejt degradimit ndersa te ardhurat qe do te sigurohen nga shitja e ketyre pronave, do te kalojne ne fondin e kompensimit, duke bere te mundur realizimin e detyrimeve financiare ndaj ish-pronareve. Ekspertet thane se ne disa shoqeri tregtare, ku shteti zoteron pjese te kapitalit apo aksione, trualli ku ushtrojne veprimtarine e tyre keto shoqeri, eshte dhene ne perdorim, me qira apo ne ndonje forme tjeter. “Per rregullimin e ketyre marredhenieve eshte propozuar qe ne ligjin “Per kthimin dhe kompensimin e prones” te behen ndryshime, te cilat parashikojne qe nga siperfaqja e tokes per dhenie ne perdorim, qira apo ndonje forme tjeter, Drejtoria e Administrimit dhe Shitjeve te Pronave Publike, ka te drejte t’ia shese shoqerise me cmime tregu, ndersa pjesa tjeter i kthehet fizikisht subjektit te shpronesuar”, sqaruan ekspertet. Por, sipas tyre, nese toka i eshte njohur subjektit te shpronesuar, atehere te ardhurat nga shitja i kalojne ketij subjekti. Ne rast se toka ka qene dhe eshte ne pronesi te shtetit, te ardhurat e shitjes kalojne ne fond kompensimi. Projektligji parashikon edhe rastin kur shoqeria refuzon te bleje toke, brenda nje afati kohe te percaktuar. Ne kete rast toka i kthehet fizikisht subjektit te shpronesuar dhe marredheniet ndermjet tyre rregullohen sipas legjislacionit ne fuqi. Atje ku problemi i pronesise eshte dhe me shume i ndjeshem, qeveria ka miratuar edhe harten e vleres se tokes dhe kjo e fundit, per disa nga rrethet kryesore te vendit. Paralelisht me kete, rishikimi i hartes eshte bere ne disa prej qyteteve kryesore. Qeveria, me ane te vendimeve ka miratuar hartat, te cilat do te sherbejne per cdo aktivitet si kompensimi i ish-pronareve, shpronesimet per ndertime publike apo aktivitete te tjera qe ndermerr qeveria me token. Agjencia e Kthimit dhe Kompensimi te Pronave ka njoftuar se hartat e cmimeve per keto zona jane te nevojshme, jo vetem per te perfunduar studimin, por dhe per t’i hapur rrugen e plote nisjes se kompensimit fizik te ish-pronareve.

Qytetet qe kompensojne ish-pronaret

Ne zonen e Kavajes, Durresit, Kurbinit, Lezhes dhe Shkodres jane identifikuar toka publike, te cilat do te kalojne ne favor te ish-pronareve qe kane kerkuar kompensimin fizik. Kthimi i pronave tek ish-pronaret, ndihmon ne uljen e fatures se pergjithshme ne kete drejtim, pasi vetem me kompensimin financiar nje gje e tille eshte e pamundur. Ne pese qytete te vendit ne bregdetin e Adriatikut jane inventarizuar tokat publike, te cilat do te kalojne permes nje procedure qe do te hartohet nga Ministria e Drejtesise tek ish-pronaret.

Deputetet miratojne vendimin

Kompensimi i ish-pronareve, biznesi te liroje trojet

Me shume se 100 biznese do te jene te detyruar te lirojne trojet, per shkak se ato do te shiten dhe vlerat financiare do t’u jepen ish-pronareve. Keshtu kane pohuar dje ne Komisionin e Ekonomise ekspertet e Ministrise se Ekonomise. “Shteti u ka dhene ketyre kompanive siperfaqe te konsiderueshme toke, qe ne shume raste tejkalojne nevojat. Fondi qe do te rrjedhe pas kesaj do t’i kaloje ish-pronareve”, u shpreh Alfred Rrushaj, keshilltar ligjor i METE-s. Ndermarrjeve, qe iu kerkohet te kthejne ose te paguajne token, jane te sektoreve te ndryshem. “Kerkojme te na sillni me emra pronaret qe pretendojne tokat dhe kompanite. Dua te di edhe per gjendjen financiare te kompanive”, u shpreh deputeti socialist Erion Brace. Pak kohe me pare, me nje vendim te Keshillit te Ministrave, qeveria i ka akorduar AKKP-se mbi 17 mije ha toke te ish-ndermarrjeve bujqesore dhe te institucioneve kerkimore te Ministrise se Bujqesise, per t’i perdorur si fond fizik per kompensimin e ish-pronareve. Fondi i plote eshte 17.335 ha dhe ato jane sipas dosjeve te dorezuara nga seksionet e administrimit dhe mbrojtjes se tokes te qarqeve, ne zyrat rajonale te AKKP-se, me siperfaqet e dhena me hollesi. “AKKP-ja ben verifikimin e titujve te pronesise se truallit. Per siperfaqet qe perfshihen brenda zonave te kadastrave, ku ka perfunduar procesi i regjistrimit fillestar, konfirmimin e ben Zyra Vendore e Regjistrimit te Pasurive te Paluajtshme. Ndersa per siperfaqet qe perfshihen ne zonat e kadastrave, ku nuk eshte kryer regjistrimi fillestar, konfirmimin e ben qarku. AKKP-ja i perdor siperfaqet me statusin e pronesise shteterore, per kthimin dhe kompensimin fizik, sipas kritereve te percaktuara ne ligj”, citohet ne piken 2 te vendimit. Nese keto toka, pas verifikimit perfundimtar te AKKP-se, rezultojne me njohje apo kthim pronesie, zbriten nga fondi i mesiperm.

Burimi: Kohajone.com