“Pa zgjedhje të lira dhe të ndershme, anëtarësimi nuk ka kuptim” kështu është shprehur kreu i PS dhe njëkohësisht kryetari i Bashkisë së Tiranës, Edi Rama gjatë koncertit festiv të organizuar nga bashkia me rastin e anëtarësimit të Shqipërisë në NATO.

TIRANE- “Pa zgjedhje të lira dhe të ndershme, anëtarësimi nuk ka kuptim” kështu është shprehur kreu i Partisë Socialiste dhe njëkohësisht kryetari i Bashkisë së Tiranës, gjatë koncertit festiv të organizuar nga bashkia me rastin e anëtarësimit të Shqipërisë në Aleancën e madhe të Atlantikut të Veriut.
“Shqipëria në NATO nuk mund të kuptohet pa të drejtën e votimit të lirë. Ne duhet ta garantojmë për të gjithë në këtë vend këtë të drejtë themelore, e cila as nuk mund të blihet por as nuk mund të shitet” theksoi Rama.

Gjatë fjalës së tij përpara qytetarëve të shumtë që ju bashkuan thirrjes së bashkisë për të festuar këtë ditë të vecantë, Rama theksoi se asnjë popull nuk ka qënë më i bashkuar se shqiptarët, të cilët nuk nguruan në asnjë moment për tu bashkuar me NATO-n.
“Sot është një ditë historike për Shqipërinë. Sot është dita për tu kujtuar se jeta jonë nuk ka qënë gjithmonë kështu, është dashur të kalojmë shkretëtriën dhe të mbijetojmë diktaurën komuniste” vazhdoi Rama

Ndër të tjera kryesocialisti deklaroi se ngritja e flamurit shqiptar mes vendeve anëtare të NATO-s nuk ishte vetëm për të na përfaqësuar por edhe për të mishëruar vlerat, të cilat sipas Ramës, nuk mund të kuptohen pa zgjedhje të lira dhe të ndershme.
“Shqipëria hyri në NATO fal jush, fal jush ajo do të nderojë vendin tonë” përfundoi fjalën e tij kreu i PS, Edi Rama. (e.n/balkanweb)