TIRANE- Ministria e Shëndetësisë vë në dispozicion të fondit të emergjencës shumën prej 1 milionë lekësh për përballimin e situatës në rast nevoje. Ministria e Shëndetësisë njofton se ky fond do të rritet në varësi të ecurisë epidemiologjike.

Gjithashtu në njoftimin për shtyp të kësaj ministrie informohet se është nxjerrë urdhri për shërbimin 24 orë të shërbimit sanitar në të tëra pikat e kufirit si dhe është miratuar udhëzimi për spitalet rajonale dhe masat që duhet të ndërmarrin në rastet e përhapjes së virusit të gripit të derrit.

Ministria e Shëndetësisë, informon më tej qytetarët se, nuk ka asnjë arsye që të ndryshojnë sjelljen e përditshme, por në të njëjtën kohë u bën thirrje që të kontaktojnë me mjekun e familjes apo strukturat më të afërta të shëndetit publik në rast të dyshimit të prekjes nga gripi i derrit.

Organizata Botërore e Shëndetësisë ka rritur në 5 nivelin e rrezikut të pandemisë nga gripi i derrave në pesë, nga gjashtë që është niveli maksimal i saj. Kjo nënkupton që bota është përballë rrezikut të pandemisë nga virusi H1N1 i gripit të derrave. Meksika, vendi ku sëmundja u detektua për të parën herë, mbetet më e goditur me 7 vdekje të konfirmuara dhe mbi 150 vdekje të dyshuara nga virusi vdekjeprurës.
(s.g/BalkanWeb)

FIER - Fieri është një ndër qytetet me ndotjen më të lartë të ajrit në shkallë vendi. Vetëm gjatë tri viteve të fundit, 300 fëmijë janë prekur nga sëmundje kronike respiratore që kanë si origjinë ndotjen e lartë të ajrit. Mjekë të spitalit të Pediatrisë së këtij qyteti pohojnë se për çdo vit, numri i fëmijëve të prekur nga sëmundjet respiratore rritet me të paktën 10 për qind. Ndërkohë, specialistët e mjedisit shprehen se deri tani kanë munguar pothuajse totalisht strategjitë e mirëfillta të eliminimit ose të paktën, minimizimit të kësaj ndotjeje. “Shteti duhet të hartojë politika të veçanta në lidhje me mbrojtjen e ambientit dhe ndotjes së qyteteve, kryesisht të ajrit. Hyrja në territorin shqiptar e automjeteve jashtë standardit apo përdorimi i karburantit të një cilësie të ulët, ndikon direkt në ndotjen e ajrit”, - thonë specialistët. Drejtoresha e Agjencisë së Mjedisit, Angjelina Mërtiri deklaroi se një tjetër faktor ndotës i qytetit është derdhja e hidrokarbureve në lumin Gjanica. “Është e domosdoshme që të investohet në sistemin naftënxjerrës. Përdorimi i teknologjisë së vjetruar ndikon në rritjen e shkallës së ndotjes. Shpresojmë që me privatizimin e kompanive të naftës, kjo situatë të marrë fund”, - shprehet Mërtiri. Ndërkohë, specialistët, herë pas here bëjnë matjet reale të ndotjes dhe në çdo rast, shifrat janë të ndryshme me tendencë rritjeje. Ata sqarojnë se situata sa vjen dhe rëndohet, duke rrezikuar seriozisht jetën e banorëve të qytetit, por edhe të zonës turistike të Semanit.
(s.g/GSH/BalkanWeb)

Duket se gripi, i cili javet e fundit ka prekur shume femije, ka filluar te iki. Sipas mjekut pediater ne spitalin Pediatrik te Tiranes, Edmond Pistulli, virozat gripale kane rene ndjeshem. Sipas tij, numri me i madh i pacienteve te paraqitur gjate kesaj jave, kane qene me alergji te ndryshme te kohes.”Me ndryshimin e temperaturave, ka ndryshuar edhe situata gripale dhe per rrjedhoje edhe numri i femijeve qe paraqiten ne spital. Ne keto periudha, numri i femijeve qe vijne per ndihme mjekesore eshte nga 120 deri ne 150 paciente. Ndersa nje muaj me pare apo edhe me pak, numri i femijeve qe kerkonin ndihme per trajtim ishte rreth 300″ ka pohuar mjeku pediater, Edmond Pistulli. Sipas tij, ndihma e pare qe u jepet femijeve ne shtepi nga prinderit, eshte shume e rendesishme. Per evitimin e rasteve te gripit, keshilla me e mire eshte qe femijet duhet te ruhen ne nderrimin e ambienteve. Nderrimi i temperaturave eshte nje nga faktoret kryesore qe ndikon tek semundjet e femijeve, sidomos atyre nen moshen 3 vjecare.

Alergjite

Rritja e temperaturave dhe shtimi i pluhurit ne ajer, ka sjelle edhe rritjen e numrit te te prekurve nga alergjite. Pas largimit te virozave gripale, numrin me te madh te rasteve qe paraqiten tek mjeku, e zene pacientet te cilet vuajne nga kjo semundje. Mjeket theksojne se problemet ne rruget e siperme te frymemarrjes jane me evidente ne kete periudhe, te cilat shoqerohen me teshtima, rrufa si dhe bllokim te hundeve. Nderkohe qe problemet e rrugeve te poshtme te frymemarrjes, pikerisht astmat, jane me te pakta ne kete stine. Alergjia ne te shumten e rasteve, sipas mjekeve, manifestohet me teshtima te shpeshta, te herepashershme, kullim, kruajtje, skuqje dhe bllokim te hundeve. Por shpesh here kane edhe kruajtje te syve dhe skuqje te tyre. Menyra me e mire per te parandaluar kete lloj alergjie, eshte mos ekspozimi ne kete periudhe ne ambiente te ndryshme, apo ndryshimi i tyre here pas here. Po keshtu nje kujdes i vecante duhet treguar dhe ndaj ushqimeve. Vizita tek mjeku specialist eshte e vetmja keshille qe jepet nga mjeket, kjo per vete faktin se rastet duhet te trajtohen sipas specifikave dhe problemeve qe shfaqin. S. Isaku

Keshillat per parandalimin e alergjise

Femijet duhet te ruhen ne nderrimin e ambienteve

Temperatura e ajrit, eshte nje nga faktoret kryesore

Kujdes ndaj ushqimeve qe japin alergji

Eliminim i ushtrimeve fizike qe perkeqesojne gjendjen

Vizite tek mjeku specialist

Simptomat e alergjise

Alergjia shoqerohet me teshtima te forta

Kullim te vazhdueshem hundesh

Kruajtje te hundes ose te lekures prane saj

Kruajtje te syve, enjtje perreth indeve te syve

Lotim te syve

Kolle e vazhdueshme

Burimi: kohajone.com

Një klinikë në Los Anxhelos ofron mundësinë për të prodhuar fëmijë sipas tipareve të kërkuara. Prindërit mjafton të zgjedhin seksin, ngjyrën e syve dhe të flokëve. Foshnja e parë me porosi do të jetë gati në vitin 2010. Mjekët analizojnë vetëm një qelizë te çdo embrioni përpara se të zgjedhin atë që do të vendosin në mitrën e nënës.

Burimi: tvklan.tv

Burimi: tvklan.tv

TIRANE- Vendi ynë nuk ndodhet ende në një situatë gripale, por shifrat e të prekurve nga sëmundjet respiratore janë në rritje. Sipas të dhënave të publikuara nga Instituti i Shëndetit Publik, i cili mbledh informacion për situatën nga të gjitha rrethet e vendit, javën e fundit është vënë re një shtim i ndjeshëm i numrit të personave të prekur nga infeksionet e rrugëve të frymëmarrjes, duke e çuar shifrën në plot 11 mijë. Por, për specialistët e ISHP-së, piku akoma nuk ka mbërritur. Sipas tyre, më shumë qytetarë do të preken gjatë këtij muaji, duke vazhduar me ritme të larta deri në fund të marsit, ku kurba e të infektuarve nga gripi do të jetë në kulmin e sezonit. Viroza e stinës ka nisur me ritme më të shpejta që në fillim të janarit, ku shënonte nga 4-5 mijë shqiptarë të prekur çdo javë, shifër kjo që ka ardhur duke u rritur vazhdimisht. Me fillimin e vitit 2009, kjo virozë ka prekur në masë qytetarë nga i gjithë vendit. Numri ka ardhur duke u rritur nga java në javë. Kështu, nga 4 mijë të prekur në javë, Instituti i Shëndetit Publik ka regjistruar shtim të rasteve deri në 7, në 9 mijë dhe javën e shkuar, është arritur shifra rekord e këtij viti, me plot 11 mijë persona të prekur për një periudhë të shkurtër kohore. Shtama e virozës është ekzaminuar nga laboratorët e Institutit të Shëndetit Publik, të cilët shprehen se ajo ka rezultuar të jetë shumë e ngjashme më atë të një viti më parë. Ndërkohë që numri më i madh i të prekurve regjistrohet në moshat e vogla si dhe në personat e moshës së tretë. Specialistët në çdo rast kanë dhënë këshillat e rastit se si duhet të mbrohemi nga kjo virozë respiratore që po qarkullon aktualisht në vendin tonë, si dhe këshillojnë që të mos neglizhohen në asnjë rast shenjat e gripit, pasi ai mund të shoqërohet edhe me komplikacione të rënda.
(s.g/GSH/BalkanWeb)

TIRANE-Një paketë bazë shërbimesh, të cilat kanë në themel ruajtjen e shëndetit publik, do të ofrohen nga Ministria e Shëndetësisë dhe do t’i përfitojnë si ata që janë të siguruar, ashtu edhe të pasiguruarit. Kjo, në kuadër të projektligjit të ri: “Për shëndetin publik”, i cili pritet të kthehet shumë shpejt në një ligj mjaft të rëndësishëm. Paketa e shërbimeve bazë, që do të garantohen nga shteti, janë: promovimi i shëndetit, edukimi shëndetësor, parandalimi i sëmundjeve, siguria ushqimore (përfshirë monitorimin e ujit të pijshëm), shëndeti në punë, shëndeti mjedisor, shëndeti riprodhues, ai mendor, sistemi i informacionit dhe survejanca në shëndet publik, laboratorët e shëndetit publik, monitorimi i shërbimeve të shëndetit publik në kujdesin shëndetësor parësor, kërkimi shkencor në shëndetin publik, si dhe trajnimet në shëndetin publik. “Ky ligj synon të vendosë disa piketa lidhur me disa masa që duhet të vendosë shoqëria jonë apo shteti, për të siguruar një shëndet të mirë për të gjithë popullatën”, - ka argumentuar projektligjin e ri, drejtori i Shëndetit Publik në Ministrinë e Shëndetësisë, Gazmend Bejtja. Sipas tij, kjo do të thotë se pavarësisht nga shëndeti individual, janë disa masa të organizuara që merren nga shteti, në mënyrë që të jetojmë në një ambient të sigurt, me mjedis të pastër. Ajri, uji, toka, rrezatimet, kimikatet, mbrojtja nga substancat e ndryshme abuzive, ushqimi i shëndetshëm dhe i sigurt që duhet të marrë çdo person, çështje që kanë të bëjnë me depistimin e shumë sëmundjeve, apo me ndjekjen siç duhet të grave shtatzëna, janë elementë ku kërkohet të vendoset rregull përmes këtij projektligji. Sipas Bejtes, ky ligj shërben shumë, sepse siguron që gjithë popullata të ketë mundësi të marrë shërbimet bazë shëndetësore, pavarësisht nga gjendja ekonomike e tyre.

(d.b/GazetaShqiptare/BalkanWeb)