Burimi: shekulli.com.al

TIRANË- Ministri i Jashtëm i Italisë, Franco Frattini ka konfirmuar gjatë një deklarate të tij televizive se Italia është e interesuar të bashkëpunojë me Shqipërinë për disa projekte strategjike për ndërtimin e centraleve bërthamore.
Në një intervistë televizive dje në mbrëmje, Kreu i diplomacisë italiane u ndal te prania ekonomike e investitorëve italianë në Shqipëri duke veçuar interesin e Italisë për të bashkëpunuar në projekte për energjinë bërthamore.
“Vizita e fundit e Kryeministrit Berlusconi në Tiranë dëshmon se ne duam të bëjmë shumë më tepër në bashkëpunimin ekonomik mes dy vendeve, përshembull në infrastrukturë dhe në bashkëpunimin për energjinë. Ne jemi shumë të interesuar për zhvillimin e energjisë bërthamore”, tha ministri Frattini. Në këtë drejtim, ai vuri në dukje se “edhe Shqipëria është e gatshme të bashkëpunojë me disa projekte strategjike, të cilat janë shumë të rëndësishme”.
“Italia po ribën një strategji për ndërtimin e centraleve bërthamore dhe po bisedojmë me një vend mik dhe fqinj, si Shqipëria për të bashkëpunuar për këtë gjë, sigurisht bazuar në tekonologjinë e fundit bërthamore, që është shumë e sigurt. Po e vlerësojmë dhe arsyetojmë këtë projekt. Di që janë vendosur disa kontakte me Enelin, që është shoqëria e interesuar për këtë dhe kryeministri Berlusconi i’u referua kësaj ideje gjatë vizitës në Tiranë”, tha zoti Frattini.
Nga ana ekonomike, ministri Frattini vuri në dukje se “Italia përfaqëson më se 35 për qind të të gjithë ndërkëmbimit të Shqipërisë me vendet e tjera, pra ka një rol të rëndësishëm në këtë drejtim”.
I pyetur lidhur me impaktin që krijon ndërtimi i rrugës Durrës-Kukës në zhvillimin e ekonomisë së Kosovës, Ministri Frattini theksoi se “ndërtimi i kësaj rruge është shumë i rëndësishëm edhe për faktin se i hap rrugë investimeve italiane në Kosovë”.

(d.b/ATA/BalkanWeb)

BEOGRAD- Kryetarja e Komitetit të Helsinkit për të Drejtat e Njeriut në Serbi, Sonja Biserko reagon ndaj supozimeve për rrëmbimin, keqtrajtimin, nxjerrjen e organeve dhe vrasjen e serbëve dhe joshqiptarëve në kohën e luftës së Kosovë. Në një prononcim për radion gjermane Dwelle zonja Biserko i cilëson si të papërgjegjshme dhe pohime të cilat mund të keqësojnë raportet. Kryetarja e Komitetit të Helsinkit për të Drejtat e Njeriut në Serbi kritikon dhe Karla del Ponten e cila bëri publike këto akuza, pa paraqitur asnjë provë.

Mendoj se Carla del Ponte në mënyrë shumë të papërgjegjshme i ka bërë publike këto supozime, pa paraqitur kurrfarë dëshmish. Në një atmosferë të ndezur siç kemi ne në rajon, këto pohime vetëm sa mund t’i keqësojnë raportet.”- thotë Biserko.

Ajo vazhdon më tej duke kritikuar prokurorinë serbe për fushatën që ka nisur të informimit të opinionit mbi hetimet, një veprim i cili ka një qëllim tjetër dhe jo sqarimin e fatit të njerëzve të zhdukur.

“Prokuroria serbe ka nisur një fushatë ku çdo ditë informon opinionin për hetimet që po kryhen, gjë që është në kundërshtim me parimet e punës së prokurorisë. Kjo fushatë është e keqe, sepse nëse ekzistojnë dëshmi duhet të fillojë edhe procesi. Mënyra e prezantimit të këtyre të dhënave ka një qëllim tjetër dhe jo sqarimin e fatit të njerëzve të zhdukur, që për familjet e tyre është një tragjedi e madhe.” - thotë Kryetarja e Komitetit të Helsinkit për të Drejtat e Njeriut në Serbi, Sonja Biserko.

Më tej Biserko thotë se qëllimi i prokurorisë serbe është “nxitja e atmosferës së padurimit ndaj shqiptarëve, sepse këto gjëra nuk sillen aspak në kontekstin e duhur. Në Serbi Kosova prezantohet vetëm si shkas për fillimin e ndërhyrjes ushtarake, por nuk shpjegohen shkaqet pse erdhi deri tek ndërhyrja. Për ndërhyrjen flitet sikur ajo të ishte e befasishme dhe pa asnjë shkak. Fjala është për një manipulim të pastër dhe mendoj se Carla del Ponte ka bërë një gabim të madh.” – vazhdon Biserko.

Kryetarja e Komitetit të Helsinkit për të Drejtat e Njeriut në Serbi thotë se nuk dinte që ndonjë organizatë joqeveritare të kishte të dhëna të tilla, të cilat mund ti kenë vetëm organet e shtetit.

“Në qoftë se i kanë këto të dhëna, atëherë duhet të ngrihen aktakuzat, sepse është e papranueshme që të bëhet fushatë vetëm në bazë të supozimeve. Këto janë shumë çështje serioze dhe të ndjeshme për të gjitha palët. Prandaj edhe kërkohet një përgjegjësi shumë e madhe, në veçanti ndaj familjarëve të të zhdukurve”.- theksoi Biserko.

Shërbimi botëror i BBC-së dhe Rrjetit Ballkanik për gazetarinë hulumtuese botoi shkrime sipas të cilave Ushtria Çlirimtare e Kosovës ka shkelur të drejtat e civilëve në Kosovë, ka keqtrajtuar dhe në disa raste edhe ka vrarë pjesëtarë të komuniteteve të ndryshme. Zyrtarët e Prishtinës i mohojnë këto akuza, ndërsa EULEX shprehet se do të nisë verifikimet e duhura.
(s.g/BalkanWeb)

SHKUP- Kryeministri cek Mirek Topolanek, vendi i cili ka presidencën aktuale të BE-së do të mbërrijë sot në Shkup për një vizitë zyrtare në Maqedoni.

Sipas agjendës së takimeve Topolanek do të mbajë takime me presidentin maqedonas Branko Cërvenkovski dhe kryeministrin Nikola Gruevski.

Gjatë takimeve do të diskutohet dhe “Zgjerimi i BE-së, procesi i reformave,me qëllim afrimin e vendit drejt anëtarësimit në BE si dhe regjimin e liberalizmit të vizave” thuhet në deklaratën për shtyp të shpërndarë nga kabineti i kryeministrit cek.

Vizita e Presidentit aktual të Bashkimit Europian vjen vetëm pak ditë nga zhvillimi i zgjedhjeve presidenciale dhe lokale në Maqedoni të cilat janë përshkruar nga BE si kyce për integrimin e vendit në BE.

“Zgjedhjet presidenciale në Mars dhe dialogu me opozitën do të jenë shumë të rëndësishme. Republika ceke mbështet anëtarësimin e Maqedonisë në strukturat Euro- Atlantike, pavarësisht se vendet e vjetra në BE janë kundër zgjerimit” ka thënë Topolanek pak kohë më parë.

Ai pritet të përsërisë qëndrimin se zhvillimi i zgjedhjeve të lira dhe të ndreshme janë kusht paraprake- sigurisht jo e vetmja- për Komisionin Europian për të rekomanduar një datë për fillimin e negociatave të anëtarësimit në fund të këtij viti.

Kryeministri cek dhe presidenti aktual i BE-së pak kohë më parë paralajmëroi Maqednoninë se nuk kishte përmbushur disa nga 8 kriteret, përsa i përket nivelit të zhvillimit demokratike, reformave juridike, dhe lufta kundër korrupsionit.
(s.g/BalkanWeb)

I nderuar z. zv/minister i Jashtem, ju urojme mireseardhjen ne Shqiperi, ne vigjilje te vizites suaj. Duam t’ju pyesim se pari cili eshte qellimi i ardhjes suaj ne vendin tone?

Ndihem vecanerisht i gezuar qe do te gjendem te henen ne Tirane, duke realizuar ketu viziten time te pare ne nje vend te rajonit, qe nga momenti i marrjes se detyres. Prezenca ime ne Shqiperi, saktesisht nje muaj pas vizites se znj. Bakojani, pra shkembimet e shpeshta te vizitave, mendoj se perben nje tregues domethenes te marredhenieve shume te mira dypaleshe dhe te interesimit te vecante, qe tregon Greqia per vendin tuaj.

Une mendoj se dy vendet tona kane hedhur hapa te rendesishem per kultivimin e nje klime mirekuptimi dhe besimi, duke krijuar ne kete menyre perspektivat per zgjerimin e bashkepunimit dypalesh. Dhe ketu sigurisht perfshihet bashkepunimi ekonomik por dhe shtimi i investimeve ne Shqiperi, sektore vecanerisht te rendesishem, duke pasur parasysh krizen ekonomike boterore qe nuk ka lene pa ndikuar asnje vend te rajonit. Prezenca ime ne Shqiperi, perfshihet ne kete kuader.

Si i shihni marredheniet aktuale mes dy vendeve dhe ku shihni mundesi per me shume perparim? Cili mendoni se eshte roli i ekonomise ne kete kuader te marredhenieve dypaleshe?

Ashtu sikunder e permenda, marredheniet mes dy vendeve jane ne nje nivel shume te mire, pas perpjekjeve te vazhdueshme dhe te mundimshme qe u bene nga te dy palet, ne keto vitet e fundit. Ne kete menyre, para nje muaji u be i mundur nenshkrimi i Marreveshjes per Varrezat Ushtarake te ushtareve greke te rene gjate luftes Greko-Italiane te 1940-41 dhe gezohemi gjithashtu, qe negociatat per Marreveshjen per percaktimin e shelfit kontinental, jane ne nje stad shume te avancuar dhe shpejt ato do te perfundojne. Nenshkrimi i kesaj Marreveshjeje do te perbeje nje hap tjeter te rendesishem dhe njekohesisht cilesor, i cili do te vertetoje ne praktike vullnetin politik per thellim te metejshem te marredhenieve tona. Ne synojme nje zhvillim te metejshem te bashkepunimit tone te shumanshem ne te gjitha fushat.

Ne vecanti per marredheniet tona ekonomike, te cilat sic e dini, jane vecanerisht te zhvilluara, do te deshiroja te perserisja se jane nje perberes i pashkeputur i marredhenieve tona me te zgjeruara dhe per rrjedhoje ecuria e tyre ndikon direkt ne teresine e kontakteve tona. Vlen te permendim ketu se Greqia eshte partneri i dyte tregtar i Shqiperise, nderkohe qe kompanive greke iu takojne 28 per qind te totalit te investimeve te huaja direkte ne Shqiperi, duke zene ne kete menyre vendin e pare.

Nje kujdes te vecante, qeveria greke ka per minoritetin e saj ne Shqiperi. Aktualisht ju shihni mangesi ne trajtimin e tyre?

Minoriteti Etnik Grek ne Shqiperi perben hallken lidhese, te nje rendesie jetike midis dy vendeve. Ceshtje qe kane lidhje me jetesen e anetareve te minoritetit ne Shqiperi, jane ne epiqender te interesimit tone. Se fundi, patem bashkepunim konstruktiv dhe efektiv me autoritetet shqiptare per ceshtjen e perkthimit dhe shperndarjes se teksteve shkollore, per shkollat publike te minoritetit ne Shqiperi. Ky bashkepunim do te mund te shtrihet dhe ne fusha te tjera, vec shkollimit.

Ne kete moment na preokupon me perparesi garantimi i se drejtes se minoritetit mbi pronat e veta. Jam i sigurt se qeveria shqiptare, e kupton rendesine e ceshtjes dhe do te beje perpjekje per zgjidhje, ne nje menyre qe te jete ne perputhje me detyrimet e saj kundrejt Bashkimit Evropian si dhe ne baze te angazhimeve te saj me cilesine e anetarit te OSBE.

Nderkohe, emigrantet shqiptare ne Greqi, jane nje pjese e rendesishme e integrimit dhe ekonomise shqiptare por edhe greke. Si e shihni gjendjen e tyre sot?

Emigrantet ekonomike shqiptare qe jetojne dhe punojne ne Greqi, jane inkuadruar normalisht ne shoqerine greke dhe perbejne nje lidhje te forte mirekuptimi reciprok dhe miqesie midis dy vendeve tona. Qeveria greke ben perpjekje te shumta per t’u krijuar lehtesira te mundshme emigranteve, per ceshtje qe i preokupojne dhe midis te tjerave, iu ka akorduar shkollim publik falas per femijet e tyre, sigurime shoqerore dhe akses ne sistemin shendetesor publik. Njekohesisht, nuk duhet te harrojme se rreth 45% te totalit te remitancave qe dergojne qytetaret shqiptare qe jetojne jashte, vijne nga Greqia.

Ju keni ardhur ne kete detyre ne fillim te ketij viti, duke lene pas detyra te rendesishme ne Parlament. Shume qytetare jane kurioze te dine nese ne Parlamentin grek, flitet thjeshte per ratifikim protokollesh apo marreveshjesh, si fjala vjen ato per NATO-n dhe BE-ne, apo kalohet dhe ne argumente te tjera dhe cilat jane ato?

Sigurisht qe ju e dini se Diplomacia Parlamentare ka fituar nje rol te vecante ne epoken e sotme, nje rol te nje niveli cilesisht me te larte, ne krahasim me te kaluaren. Mund t’ju siguroj se Parlamenti grek tregon nje interes te vecante per zhvillimet ne vendet fqinje dhe ne rajonin me te gjere te Ballkanit, ashtu sikunder edhe per marredheniet e fqinjesise se mire dhe bashkepunimit pozitiv ne ceshtje te ekonomise, te energjise, te ceshtjeve edukative e kulturore. Ne kete kuader, gjate diskutimit te projektligjeve te ndryshme qe kane lidhje me ratifikimin e protokolleve apo marreveshjeve, behet nje diskutim i gjere, gjate te cilit shprehen pikepamje te ndryshme. Por me lejoni qe te nenvizoj se shumica derrmuese e anetareve te Parlamentit grek, votoi ne favor te ratifikimit si te Marreveshjes se Asociim-Stabilizimit BE-Shqiperi ne janar, ashtu dhe te Protokollit te Anetaresimit te Shqiperise ne Aleancen Atlantike, sepse gjykojme qe ecuria euroatlantike e Shqiperise eshte e vetmja zgjidhje.

Nje ceshtje e rendesishme sot eshte ajo e FYROM-it. Vendi fqinje me ju dhe ne, kembengul ne emrin Maqedoni, qe nga ju konsiderohet i papranueshem. Ne cilen faze gjenden negociatat dhe a mendoni se Shqiperia mund te jete pjese produktive e tyre?

Perdorimi i emrit “Maqedoni” nga vendi yne fqinj perben nje perpjekje te qarte falsifikimi te historise, dhe pervetesimi te trashegimise se lashte maqedonase, e cila eshte nje pjese e pashkeputshme e kultures greke. Negociatat nen egiden e ndermjetesuesit te posacem te Sekretarit te Pergjithshem te OKB, z. Nimic, nuk kane dhene rezultate deri tani, per shkak te qendrimit intransigjent te qeverise se FYROM, te retorikes se saj agresive dhe te veprimeve provokuese kunder Greqise. Nje shembull karakteristik se fundmi, eshte nderrimi i emrit te Korridorit Evropian Rrugor 10 qe kalon nga territori i ketij vendi, ne “Aleksander Maqedonasi”, veprim qe ve ne rrezik ndertimin e kesaj vepre me rreze rajonale veprimi, per te cilin Greqia kishte angazhuar falas, financim prej 50 milione euro. Greqia ka mbajtur qendrim konstruktiv dhe deshiron gjetjen e nje zgjidhjeje reciprokisht te pranueshme, e cila do te perfshije nje emer te perbere, ne menyre qe te behet dallimi i qarte nga rajoni grek i Maqedonise, dhe cili emer do te perdoret kundrejt te gjitheve (”erga omnes”). Gjithashtu, ne menyre qe te sigurohet zgjidhje perfundimtare dhe e pakthyeshme e ceshtjes, do te duhet qe kjo zgjidhje te adoptohet nga Keshilli i Sigurimit i OKB. Vendet fqinje e mike si Shqiperia, mund te kontribuojne ne rregullimin ne kohe te ceshtjes, duke perkrahur ligjin nderkombetar dhe duke kerkuar nga pala tjeter te tregoje fryme kompromisi ne negociata dhe t’u largohet veprimeve provokuese, qe rendojne marredheniet dypaleshe dhe jane negative per marredheniet e fqinjesise se mire.

Burimi: Kohajone.com

GJILAN-Serbët protestuan dje, pasi disa fshatra të tyre në rajonin e Gjilanit , kishin disa javë pa energji elektrike. Përleshjet nisën kur qindra serbë nga fshat i Shilovës, e zhvendosën protestën e tyre në një rrugë kryesore që lidh Gjilanin me Serbinë Jugore.

Media serbe, citon udhëheqësin lokal të serbëve, Aleksandër Petroviç, sipas të cilit fshatarët kishin planifikuar një protestë paqësore, kur policia i ndali, dhe nisi të shtynte gratë dhe fëmijët. Dhjetra protestues serbë dhe tetë pjesëtarë të policisë së Kosovës janë lënduar lehtë në përleshjen e Shillovës të komunë së Gjilanit. Të paktën 5 policë po marrin ndihmë mjekësore.

Policia tha se rreth 200 serbë protestuan për të tretën ditë me radhë, duke u përpjekur që të bllokojnë rrugën kryesore, e cila çon në drejtim të Prishtinës.
Zëdhënësi i policisë tha se kur policia u përpoq t’i pengojë të bllokojnë rrugën, protestuesit i gjuajtën policët me gurë dhe shishe.

Ndërkohë Korporata Energjetike e Kosovës tha se reduktimet janë bërë për shkak të fakturave të papaguara të energjisë elektrike, disa nga të cilat janë nga viti 1999.
Përleshjet mes pakicës serbe dhe shumicës shqiptare në Kosovë, kanë qenë të shpeshat që pas shpalljes së Pavarësisë së Kosovës një vit më parë.

(d.b/BalkanWeb)

TIRANE- Brukseli ka këshilluar Shqipërinë të mos nxitohet me aplikimin për statusin kandidat. Europarlamentarja Doris Pack i bën thirrje qeverisë shqiptare që të mos aplikojë për statusin e vendit kandidat në Bashkimin Europian brenda presidencës ceke.”Mendoj se fillimisht duhet të them se Shqipëria ka bërë hapa të mëdha përpara dhe për këtë duhet ta vlerësoj. Por nuk është momenti për të kërkuar statusin kandidat. Sepse nëse e shihni çfarë ndodh në BE në këtë moment që po flasim, do të kemi dhe zgjedhjet e Parlamentit Evropian, do të kemi një Komision të ri. Ata nuk do të marrin asnjë përgjigje”- ka thënë Pack në një intervistë televizive, duke e lidhur këtë së pari me vetë zhvillimet e pritshme brenda BE. Është koha e zgjedhjeve për në parlamentin evropian, argumenton ajo, cka do të thotë që pritet edhe ngritja e një Komisioni të ri që do të shqyrtojë kërkesën e Shqipërisë. Në këto kushte, nësë kërkesa bëhet në prill mund të mos ketë asnjë përgjigje nga BE.
“Si një mike e Shqipërisë- këshillon Pack, unë sugjeroj pritje dhe kjo shprehje nuk duhet përdorur si manover politike”.
Pack është e bindur se një aplikim nga ana e Shqipërisë nuk mund ti përgjigjet e vetme presidenca ceke, pasi duhet të jenë dakort të 27 vendet e BE, kur dihet tashmë që ky organizëm në këto momente ka të tjera probleme. Doris Pack sugjeron që aplikimi të bëhet në fund të këtij viti me qëllim që të arrihet marrja e një përgjigje të paktën vitin tjetër. (e.n//Balkanweb)